煮食靈感 - 李錦記食好啲全「麵」攻略！

#食好啲全「麵」攻略
激新口味  麵麵俱全！

「煮碗麵俾你食呀！」以為食麵好「行」？其實只要識得食，一碗靚麵，絕對可以好味到出神入化！湯麵的湯，要夠濃夠層次；拌麵的醬，要夠料夠掛麵 ；麵，要夠彈夠煙韌，夾起一撮麵，湯醬同麵條互相交融，滋味不分你我。想一嚐如此高汁的全「麵」境界，要點部署？立即關注李錦記全「麵」激新口味，一系列滋味選擇，帶來秘醬Q彈湯麵、特調濃醬拌麵，以及豐盛鮑魚撈麵，麵麵俱全。一包有齊秘方醬料包及台式日曬靚麵，為你帶來食好啲全「麵」攻略！

7分鐘葱油大放題：葱油拌麵

7分鐘可以做乜野？碌碌手機發發呆，抑或淥淥靚麵拌拌醬，享受葱油大放題？先用7分鐘，煲滾正宗台式Q彈關廟刀削麵，瀝乾備用，麵條經天然日曬，超有口感超掛汁！再拌入特調3合1濃香拌醬，葱香撲鼻、油而不膩的葱油，混合微甜鹹香、層次豐富的秘製葱香拌麵醬油，再加上終極彩蛋：以雙菇合璧、黃金比例調製的特鮮菇粉，尾聲撈一撈，即刻清甜提鮮！李錦記葱油拌麵，只需7分鐘，即可享受啖啖葱油大滿足！

辣味天團4大擔當：椒麻拌麵

辣要辣得有層次，先至稱得上為辣味天團！李錦記椒麻拌麵，一款拌醬，集齊4種味覺，先有香味擔當 - 葱香撲鼻、油而不膩的葱油；靈魂人物就有麻辣擔當 – 將香、麻、辣共冶一爐的花椒香辣油；加上sweet sweet代表-微甜鹹香的葱香拌麵醬油︰最後加入鮮味擔當-雙菇合璧、清甜提鮮的特鮮菇粉。4合1的辣味天團，拌入世一椒麻拌麵，立即焫著你味蕾！

超回味濃厚愛「醬」：擔擔湯麵

世間上，有什麼味道能令你牽腸掛肚、盪氣迴腸？來，試一碗李錦記擔擔湯麵吧！濃到入心的擔擔湯醬，以香濃花生醬及深炒芝麻醬作醬底，鹹香濃郁，可口美味，再添加多一層醇厚花生醬，濃香更升溫。收尾加入香味獨特的花椒麻香辣油，香、麻、辣層層交疊，叫人回味無窮！愛「醬」齊備，加入台式Q彈關廟麵，濃厚湯汁掛在Q彈麵條上，千迴百轉，就是想尋得一碗超回味擔擔湯麵。

  

「紅都麵曬」番茄控：辛辣番茄湯麵

平凡生活裡難得有「紅都面晒」時刻，但「紅都麵曬」滋味就可以隨時擁有！一碗李錦記辛辣番茄湯麵，召喚所有番茄控，有酸有甜更有辛辣。濃濃的番茄湯，酸酸甜甜極開胃，加上以指天椒特製的特辣辣椒粉，小辣/大辣任君選擇，俾你過足口癮！配合天然日曬的台式Q彈關廟麵，勁有咬口。無論早餐、午餐、晚餐抑或宵夜，都可以令你熱血沸騰，「紅都麵曬」！

 

人氣沙爹關注組：沙爹湯麵

一般茶記已經唔能夠滿足你？想遍尋一碗真正人氣沙爹湯麵，就要拆解點為之「高、富、勁」條件！「高」汁的香濃沙爹湯醬，鹹香、微辣，味道平衡啱啱好，夠濃郁，先可以達至「掛麵」之境！加上「富」層次的醇厚花生醬，靚花生經多道工序製作，入口醇滑，香到一個點，夾埋「勁」Q彈台式關廟麵，實在不得了！李錦記沙爹湯麵，幾分鐘就煮起，超簡易。最好的，就在你「麵」前！

 

撈麵勝利組：鮑汁元貝鮑魚撈麵

每日拼命工作想成為人生勝利組？不如食個撈麵勝利組，加持一下先！李錦記繼鮑魚撈飯後，推出鮑汁元貝鮑魚撈麵，一撈集齊一切極Top元素：肥美煙韌的「吉品」鮑魚品種^即食鮑魚，撈入李錦記秘製的鮑魚醬汁，完美混和矜貴元貝絲；撈埋正宗台式Q彈關廟刀削麵，麵條經天然日曬，超有口感；撈兩撈，鮑汁完全掛麵！無敵鮑魚Package，將「食好啲」精神無限發揮！

 

富豪級食法：紅燒元貝鮑魚撈麵

有錢先可以任性？一招教你，星級美食大眾化，豪食不用睇荷包！要數高級中式經典醬汁，非惹味紅燒汁莫屬。李錦記紅燒元貝鮑魚撈麵，秘製濃香紅燒汁，配合矜貴元貝絲，已經夠晒豪，加上口感煙韌的「吉品」鮑魚品種^即食鮑魚，撈埋台灣地區直送、熱騰騰的日曬關廟刀削麵。一啖鮑魚，一啖靚麵，唔使問幾點，盡情慢慢嘆。富豪飯堂，就在你屋企！

無論你想食秘醬Q彈湯麵、特調濃醬拌麵，抑或豐盛鮑魚撈麵，全部都可以快煮慢享！日日食好啲，食盡「麵麵俱全」滋味，各款口味，已經全「麵」登陸李錦記網上專賣店，以及各大超級市場及商舖。

 

^ 中國養殖